Расман. "Барселона"нинг собиқ футболчиси футболчилик фаолиятини якунлади

31 ёшли француз ҳимоячиси Самюэль Умтити расман профессионал футболчилик фаолиятига нуқта қўйди.

"Фаолиятимда кўтарилишлар ва қийинчиликлар бўлди. Энди хайрлашиш вақти келди. Ҳеч нарсадан афсусланмайман. Барча клублар, президентлар, мураббийлар ва жамоадошларимга миннатдорчилик билдираман. "Лион", "Барселона", "Лилль", "Лечче" ва Франция терма жамоасига катта раҳмат. Шунингдек, мухлислар қўллаб-қувватлагани учун миннатдорман", – деб ёзди франциялик марказий ҳимоячи..

Умтити "Барселона" билан икки марта Ла Лига ва Суперкубок, уч марта Испания кубогини қўлга киритди. "Лион" сафида эса Франция кубоги ва Суперкубогини ютди.

Шу билан бирга, Франция терма жамоаси таркибида Умтити 2018 йилда Жаҳон чемпионлигини қўлга киритган.