Rasman! "Arsenal" AQSh terma jamoasi darvozaboni bilan shartnoma imzoladi

Amerikaning "Nyu-Inglend Revolyushn" klubi darvozaboni Mett Terner faoliyatini "Arsenal"da davom ettiradi. Bu haqda klub rasmiy sayti xabar bermoqda.

Yuqoridagi manbaga ko‘ra, 27 yoshli futbolchi "kanonirlar" bilan shartnoma imzolagan va London klubiga yozda borib qo‘shiladi.

AQShlik posbonning transferi "Arsenal"ga bonuslarsiz 6,36 million evroga tushgan.

Mett Terner "Nyu-Inglend Revolyushn" safida jami 106 ta o‘yinda maydonga tushgan va o‘z darvozasidan 139 ta gol o‘tkazib yuborgan.