"Qo‘qon-1912" Toshkentda tayyorgarlik ko‘radi

Musobaqa jadvalida 20 ochko bilan 9-o‘rinni egallab turgan “Qo‘qon-1912” jamoasi ham bugundan mashg‘ulotlarga kirishadi. Futbolchilar uchun ajratilgan qisqa muddatli tanaffus nihoyasiga etdi va bugun Toshkentda to‘planadilar.

5 yoki 6 sentyabr kuniga Superliga jamoasiga qarshi o‘rtoqlik uchrashuvi o‘tkazilishi rejalashtirilyapti. Qo‘qonliklar 10 sentyabr kuni Superliganing 17-turida Toshkentda “Bunyodkor”ga qarshi bellashadilar. Bosh murabbiy Baxtiyor Ashurmatov jamoasini bo‘lajak muhim uchrashuvga jiddiy tayyorlash maqsadida aynan Toshkentda shug‘ullanishni lozim topdi.