Pullar Vinisiusga tinchlik bermayapti

“Real”ning keyingi yillardagi asosiy to‘purari Vinisius Junior yangi mavsumda o‘z darajasida o‘yin namoyish qila olmayapti.

Braziliyalik futbolchi dastlabki beshta uchrashuvda atigi bitta to‘p kiritdi. “Qirollik klubi” mutasaddilari hujumchining jismoniy tayyorgarligi maromida emasligini yozda Saudiya Arabistonidan bo‘lgan takliflar tufayli yuzaga kelganini iddao qilmoqda.

Rahbariyatning ta’kidlashicha, Saudiya Arabistonidan Vinisiusga har mavsum uchun 350 million evro maosh taklif qilingani o‘yinchining xayolini buzgan. O‘shandan beri u “Real”da diqqatini jamlay olmayapti.

AS nashriga ko‘ra, “Qirollik klubi” Vinisiusning samaradorligi tushib ketgani va maydonda avvalgi ishtiyoq bilan o‘ynamayotganidan xavotirda.