PSJ Neymarning qachon sog‘ayishini ma’lum qildi

PSJ klubi o‘zining rasmiy saytida braziliyalik hujumchi Neymarning jarohati haqida ma’lumot berdi.

Unga ko‘ra 27 yoshli futbolchi to‘pig‘idan olgan jarohati operatsiya talab etmaydi va u yaqin bir oy ichida davolanib, safga qaytadi.

Eslatib o‘tamiz, Neymar Qatarga qarshi bo‘lib o‘tgan o‘rtoqlik bahsida jarohat olgan edi. Keyinchalik uning Amerika kubogida ishtirok etolmasligi ma’lum bo‘lgach, bosh murabbi uning o‘rniga Villianni tarkibga jalb etgan edi.