ПСЖ, “Манчестер Сити” ва “Ливерпуль” армонда!
“Бавария”даги узоқ йиллик фаолиятидан кейин Роберт Левандовски “Барселона”га кўчиб ўтишга қарор қилди.
Кейинги йилларда тинимсиз гол ураётган 33 ёшли форвардга “Манчестер Сити”, “Ливерпуль” ва ПСЖ каби гранд клублар ҳам шартнома таклиф қилаётган эди. Лекин польшалик йигитнинг танлови “Барселона”га тушди.
Манбанинг хабар беришича, Левандовски каталонияликлар билан уч йиллик шартномани келишиб олган. Робертда “Бавария”дан кетиш истаги пайдо бўлишига мюнхенликларнинг унга атиги бир йиллик шартнома бергани сабаб бўлгани айтилмоқда.
Роберт Левандовски Бундеслига чемпиони сафига 2014 йилда “Боруссия”дан эркин агент сифатида текинга ўтган эди.
Моҳир тўпурар бу мавсумда барча турнирларда 40 та учрашувда ўз ҳисобига 46 та гол ва тўртта голли пас ёздириб қўйди.
Фикрлар