Превью. "Хоразм" - "Қўқон-1912"

Эртага "Қўқон-1912" жамоаси Суперлиганинг 22-турида "Хоразм"га қарши майдонга тушади.

Жамоалар шу вақтга қадар Суперлигада жами 7 та учрашувда майдонга тушишган. Ушбу баҳсларнинг 3 тасида "Қўқон-1912" ғалаба қозонган бўлса, яна 4 та учрашув хоразмликларнинг ғалабаси билан якунланган. Тўплар нисбати 9-11 рақиб фойдасига.

Ушбу жамоалар сўнгги бор Хоразмда Суперлига баҳсларида 2000 йилдан тўқнаш келишган. Ўшанда қўқонликлар рақибини 3:1 ҳисобида таслим этишни уддалашган. 

Суперлиганинг 21-туридан сўнг "Қўқон-1912" жамоаси 21 очко билан турнир жадвалининг 13-поғонасида кетмоқда. "Хоразм"нинг ҳисобида эса 19 та очко бор ва улар турнир жадвалининг 14-поғонасидан жой олишган.

"Хоразм" — "Қўқон-1912" ўртасидаги баҳс эртага 17:00 да "Хоразм" стадионида бошланади. Учрашув "Футбол ТВ" каналида тўғридан-тўғри эфирга узатилади.