Polvonlarimiz Hindistonda 20 ta medal qo‘lga kiritdi

Joriy yilning 21-23 mart kunlari Hindistonning Xaryana shtati Roxtak  shahrida joylashgan Maharshi Dayanand universititetida yoshlar festivali bo‘lib o‘tdi. Mazkur festival doirasida O‘zbekiston, Rossiya va Hindiston davlati o‘rtasida belbog‘li kurash bo‘yicha xalqaro "Do‘stlik" deb nomlangan turnir ham o‘tkazildi. 

Xalqaro musobaqada O‘zbekiston belbog‘li kurash federatsiyasi raisi Ravshan Dastirov boshchiligida Osiyo belbog‘li kurash konfedratsiyasi prezidenti Mo‘min Muratov, Osiyo belbog‘li kurash konfedratsiyasi prezidenti yordamchisi Bekzod Boltabaev, terma jamoa bosh murabbiy Oybek Mullaboev, xalqaro toifadagi hakamlar Elmurod Abdullaev, Jamshidbek Egamov va polvonlarizmizdan iborat  20 nafar sport delegatsiyamiz ishtirok etib, munosib natijalarni qo‘lga kiritishga muvaffaq bo‘lishdi. 

Demak, kuchli uchlikdan joy olgan polvonlarimiz bilan tanishamiz: 

Belbog‘li kurash klassik yo‘nalishi. 

Erkaklar: 

Oltin medal

57kg. Hanaboy O‘rayimov
62 kg. Abbos Ahmadjonov
75 kg. Murodjon Hamidov
82 kg. Dostonbek Obidjonov
90 kg. Samandar Abdusalomov
+100 kg. Azimjon Yuldoshev

Kumush medal 

100 kg. Nurbek Isaqov 

Bronza medal

68 kg. Bekpo‘lat Boqirov

Ayollar

Oltin medal 

52 kg. Farangiz Abdunabieva
+76 kg. Shirinoy Yuldosheva

Kumush medal 

58 kg. Feruza Sobirova

Bronza medal 

76 kg. Dildora Mamadalieva
76 kg.  Muxlisa Rustamova
Belbog‘li kurash erkin yo‘nalishi: 

Oltin medal 

57 kg. Hasanboy O‘rayimov
62 kg.  Abbos Ahmadjonoa
+100 kg.  Azimboy Yuldoshev

Kumush medal 

68 kg. Bekpo‘lat Boqirov 
75 kg.  Murodjon Hamidov 
82 kg. Dostonbek Obidjonov 
90 kg. Samandar Abdusalomov 
100 kg. Nurbek Isaqov

Yakuniy natijalarga ko‘ra, polvonlarimiz umumjamoa hisobida faxrli birinchi o‘rinni band etishdi. Ushbu xalqaro turnir doirasida O‘zbekistoning Hindistondagi elchixonasi ko‘magida Hindistonning bir qator vazirlik va idoralarining yuqori lavozimdagi mas’ullari, parlament a’zolari bilan Osiyo belbog‘li kurash konfedratsiyasi hamda O‘zbekiston belbog‘li kurash federatsiyasi o‘rtasida hamkorlikka oid muhim uchrashuvlar o‘tkazildi.

Shuningdek, O‘zbekiston belbog‘li kurash federatsiyasi va Hindiston belbog‘li kurash federatsiyasi o‘rtasida ikki tomonlama belbog‘li kurashni yanada rivojlantirishga oid  memorandum imzolandi. O‘tkazilgan muzokaralarda  "Do‘stlik"  turniri ana’anaviy turnirga aylantirilib, nabatdagi "Do‘stlik" turniri 2026 yilda Toshkentda o‘tkazishilishi belgilandi. Turnirning tantanali ochilish va taqdirlash marosimida O‘zbekistonning Hindistondagi Favqulodda va  Muxtor elchisi Sardor Rustamboev ishtirok etdi.