O‘zbekistonlik talaba Amerikada chempioni bo‘ldi

16 aprel kuni AQShning Florida shtati,  Mayami shahrida jiu-jitsu bo‘yicha jang kechalari tashkil qiluvchi Newbreed promoushenining navbatdagi turniri bo‘lib o‘tdi.

Biz uchun ahamiyatli jihati, ushbu turnirda AQShda tahsil olayotgan o‘zbekistonlik talaba Sarvar To‘xtasinov ham ishtirok etdi. Quvonarlisi, hamyurtimiz turnir mobaynida to‘rt raqibini ham bo‘g‘ish uslubi bilan mag‘lubiyatga uchratib, turnir chempioniga aylandi.

Biz ushbu muvaffaqiyat bilan yurtdoshimizni muborakbod etamiz!