Ўзбекистонлик шахматчилар БААдаги йирик турнирда қатнашмоқда!

Хабарингиз бор, айни кунларда Бирлашган Араб Амирликлари пойтахти Абу-Дабида шахмат бўйича "31- Abu Dhabi International Chess Festival" мусобақаси бўлиб ўтмоқда.

Турнир швейцарча тизимда 9 раунддан иборат бўлиб, иштирокчиларга 90 дақиқа ва биринчи юришдан бошлаб, 30 сониядан вақт назорати белгиланади. Ташкилий қўмита ўйинчиларни беш юлдузли меҳмонхонада бепул жойлаштиришни таъминлайди. Турнир "Masters",  Online Masters",  "Open A",  "Open B",  "Ladies Blitz U16",  "Academy Seniors 50+",  "Family Teams", "Community teams Corporate" каби бўлимларга бўлинган шаклда ўтмоқда.

Мусобақанинг умумий соврин жағармаси 500,000 дирҳамни ни ташкил қилади. Бу йилги фестивал ўз тарихидаги энг кўп иштирокчига эга бўлиб, унда 82 мамлакатдан 3000 дан ортиқ ўйинчи қатнашмоқжа.  Аввалги биринчиликда 2,500 дан ортиқ шахматчи қатнашганди.

Ўзбекистонлик шахматчилардан Абдулазизов Асилбек, Абдулазизов Асадбек, Абдулазизова Асмира, Абдулазизова Асмина, Жумаев Бекзод, Абдуқаюмов Алишер, Икром Ҳалиов, Ҳасан Акрамов, Бобомуродова Мафтуна, Абдулазиз Қурбонов Беҳруз Қудратов, Рауф Қосимов ва Мансурова Мумтозбегим кабилар қатнашмоқда.