Ўзбекистонлик дарвозабон Тожикистоннинг бошқа клубига кўчиб ўтди

Ўзбекистонлик иқтидорли дарвозабон, ўтган йили Тожикистон чемпионатида Кулобнинг  “Равшан” жамоаси шарафини ҳимоя қилган Муҳриддин Аҳмедов янги мавсумни қайси клубда бошлаши маълум бўлди.

Аҳмедов қишки тайёргарлик пайтида “Турон” ҳамда “Андижон” клублари билан ҳам йиғинларда иштирок этди. Аммо унга яна Тожикистондан қулай шартнома таклиф қилинди.

Бу йил Тожикистон элитасига чиққан “Равшан-Зафаробод” жамоаси Муҳриддин Аҳмедов билан шартнома имзолади. Шу тариқа, ҳамюртимиз қўшни юртдаги фаолиятини яна давом эттирадиган бўлди.