Ўзбекистон терма жамоасидан таклиф олган Лёв энг зўр дарвозабон номини айтди

Ўзбекистон миллий терма жамоаси раҳбарияти германиялик мутахассис Йоахим Лёвни бош мураббийликка чақирган эди. Бироқ бу мутахассис таклифни қабул қилмади.

Ўз даврида Германия терма жамоасини бошқарган Лёв футбол тарихидаги энг зўр дарвозабон ким эканини айтди.

- Мануэль Нойер барча замонларнинг энг зўр дарвозабони бўлса керак. Нойер бу ўйин ҳақидаги тасаввурларни ўзгартирди ва унга янги қарашлар олиб кирди. У 15 йилдан бери мутлақ юқори даражада ўйнаб келади.

Бугун унинг “Бавария”даги фаолиятига назар солсак, бошқа барча ўйинчиларнинг сифатларини  қўшиб ҳисоблаганда ҳам, ўзига бўлган ишончи ва шахсий характеристикаси билан ажралиб туради, - деди Йоахим Лёв.

39 ёшли Мануэль Нойер 2009-2024 йиллар давомида Германия терма жамоасининг асосий дарвозабони бўлган. Маҳоратли голкипер халқаро миқёсда 124 та учрашув ўтказиб, шу учрашувлардан 51 тасида дарвозаси дахлсизлигини сақлаб қолган.