Остон Ўруновнинг жамоасига янги раҳбар тайинланди

Ҳамюртимиз Остон Ўрунов тўп сураётган “Уфа” клуби раҳбариятида ўзгариш юз берди.

Клуб расмий сайти тарқатган хабарга кўра, “Спартак”га ўтиб кетган Шамил Газизов ўрнига Ринат Шайбеков клуб бош директори лавозимида вақтинча фаолият юритиб туради.

Маълумот учун, Шайбеков “Уфа”да 2010 йилдан буён ишлаб келмоқда. У бунгача «Башинформсвязь-Динамо» ва «Динамо-Тималь» клубларини бошқарган.

“Уфа” 28 турдан сўнг РПЛ мусобақа жадвалида 37 очко билан 6-ўринда бормоқда.