Oston O‘runov jamoasi stadionlarga muxlislar kiritilmasa ham ular orasida aktsiya o‘tkazmoqda

Hamyurtimiz Oston O‘runov to‘p tepadigan Rossiyaning "Ufa" klubi pandemiya tufayli o‘yinlarda qatnasha olmaydigan muxlislar uchun aktsiya e’lon qildi. Bu haqda klub matbuot xizmati xabar berdi.

- Aziz do‘stlar, 21 iyundan Rossiya Premer-ligasi davom ettiriladi. "Ufa" klubi 5 ta uy o‘yinini "Neftyanik" stadionida o‘tkazadi.

Pandemiya tufayli yuzaga kelgan murakkab vaziyatni hisobga olgan holda, ushbu uchrashuvlar yopiq tarzda o‘tkaziladi. Ammo har biringiz jamoaning bir qismi bo‘lish va stadion stenida rasmingiz turishi uchun imkoniyatga egasiz. 2020 yil 2 iyungacha klub libosidagi yoki stadionda tushgan rasmingizni floop91@mail.ru elektron pochtasiga yuborishingiz kerak, - deyiladi xabarda.