Osiyo chempionatida erkin kurashchilarimiz to‘rtta medalni qo‘lga kiritishdi

Sport kurashlari bo‘yicha Tailandning Chonburi shahrida bo‘lib o‘tgan yoshlar o‘rtasidagi Osiyo chempionati ham o‘z yakuniga etdi. Erkin kurashchilarimiz ushbu musobaqada 4 ta medalga ya’ni ikkita bronza va ikkita kumushga ega chiqdi. Afsuski, bugun finalga chiqqan ikki hamyurtimiz Nodir Raximov hamda Ajiniyoz Saparboevlar xal qiluvchi baxslarda imkoniyatni boy berib qo‘yishdi va kumush medal bilan kifoyalanishdi.