Неймар: "ПСЖдан кетиш ниятим йўқ"

ПСЖ футболчиси Неймар клубдаги келажаги борасида фикр билдирди. Айтишича, у жамоада яна кўплаб совринлар ютишни истайди. 

"Менинг мақсадим битта - қўлга киритиш мумкин бўлган барча совринлар эгасига айланиш. Яхши ва муносиб ўйин кўрсатиб, чемпионлар лигаси ва Жаҳон чемпионатида ғалаба қозонишни истайман. Булар менинг келаси мавсум учун мўлжаллаган мақсадларим. 

Менинг жамоа билан шартномам бор. Шундай экан, турли гап-сўзларга ўрин йўқ. Мен Парижда қоламан", - деди бразилиялик иқтидор соҳиби.

Маълумот ўрнида, футболчи Франция гранди сафига 2017 йил келиб қўшилган. Унинг клуб билан шартномаси 2025 йил 30 июнга қадар амал қилади.