Неймар алоҳида шуғулланмоқда

Хитойда турне ўтказаётган ПСЖ форварди Неймар айни дамда жамоадан алоҳида шуғулланмоқда. Бу ҳақда Mundo Deportivo нашри хабар тарқатмоқда.

Бразилиялик футболчи Қатарга (2:0) қарши бўлиб ўтган ўртоқлик учрашувида тўпиғидан олган жароҳатидан энди тўлиқ фориғ бўлди ва шу сабабли якка тартибда машғулот ўтказмоқда.

Таъкидлаш керакки, Неймардан ташқари шунингдек Преснель Кимпембе ва Тома Менье каби футболчилар ҳам жамоадан ажралган ҳолда шуғулланишмоқда.

Эслатиб ўтамиз, бундан аввалроқ Неймарнинг жамоадан кетиши борасида жуда кўп хабарлар тарқалди. Бироқ, ҳозирча бу борада ПСЖга маъқул келадиган таклифлар келиб тушгани йўқ.