Англияга баҳайбат футболчини олиб келишади

Англия Премьер-лигаси вакили “Кристал Пэлас” келаси мавсум олдидан таркибини бир неча йилдан бери “Спортинг”да ўйнаб келаётган Усмон Диоманде билан кучайтиришни маъқул топди.

Ивуарлик футболчи яқин келажакда Марк Гехининг ўрнини босиши талаб қилинади. Жамоа етакчиси ва сардори бўлган Гехининг шартномаси келаси ёзда тугайди. Бу ҳимоячига гранд клубдан таклифлар бор. У “Кристал Пэлас” билан янги битим тузмади ва шу боис клуб уни ёзда сотиб юборишга уриняпти.

21 ёшли Усмон Диоманде майдонда бақувватлиги билан ажралиб туради. Баҳайбат ҳимоячини анчадан бери Европанинг гранд клублари кузатиб келмоқда.

Daily Mirror нашрига кўра, португалияликлар 80 миллион евро турадиган Усмон Диомандени 55 миллион еврога қўйиб юборишга рози бўлган. “Спортинг” футболчининг кейинги трансферидан улуш олиш учун шу йўлни тутгани айтилмоқда.