“Соққа” қилишни “Челси”дан ўрганинг

Трансферларга ихтисослашган Transfermarkt портали сўнгги ўн йилликда футболчиларнинг чиқиш савдоларидан энг кўп даромад қилган Англия клублари рейтингини тузиб чиқди.

Манбага кўра, даромад қилишда “Челси”га етадиган жамоа топилмади. “Аристократлар” ўн йил ичида 1 миллиард 440 миллион еврога ўйинчи сотган.

Қизиғи шундаки, Англия Премьер-лигасининг қудратли клубларидан “Арсенал” ўйинчилар савдосидан нисбатан кам –  465 миллион евро даромад олган. Экспертларнинг таъкидлашича, Арсен Венгер ва Унаи Эмери бош мураббийлик қилган даврда “канонирлар”нинг молиявий сиёсати рақобатбардош бўлмаган.

Умумий рейтинг қуйидагича кўриниш олди:

“Челси”: 1 миллиард 440 миллион евро

 “Манчестер Сити”: 922 миллион евро

“Ливерпуль”: 690 миллион евро

“Эвертон”: 636 миллион евро

“Астон Вилла”: 622 миллион евро

“Саутгемптон”: 610 миллион евро

“Лестер”: 602 миллион евро

“Тоттенхэм”: 576 миллион евро

“Манчестер Юнайтед”: 545 миллион евро

“Вулверхэмптон”:  531 миллион евро.