"Navbahor" Turkiyada "Ximki", "Arsenal" va yana boshqa raqiblar bilan o‘ynaydi

Xabaringiz bor, “Navbahor” jamoasi 5 fevral kuni yangi mavsum tayyorgarligi doirasida joriy yildagi ikkinchi xorijiy o‘quv-mashg‘ulot yig‘inini o‘tkazish uchun Turkiyaning Antaliya shahriga yo‘l oladi.

Navbatdagi yig‘in doirasida futbolchilarimiz 4 ta nazorat-sinov o‘yinlarida maydonga tushishadi. Rejaga ko‘ra, 8 va 12 fevral kunlari “lochinlar”ga, mos ravishda, Qozog‘iston premer-ligasi vakillari - “Akjayik” va “Qayrat” klublari raqiblik qiladi.

Shuningdek, 16 va 19 fevralda Rossiya premer-ligasi ishtirokchilari hisoblangan “Ximki” hamda “Arsenal Tula” jamoalari bilan o‘rtoqlik o‘yinlari o‘tkazish bo‘yicha kelishuvga erishilgan.

 “Navbahor” PFK matbuot xizmati.