"Navbahor" sardori jamoadan ketdi

"Navbahor" sardori Azim Ahmedov jamoadan ketdi, deya yozmoqda SPORTS.uz sayti jurnalisti Yahyoxo‘ja Ulug‘xo‘jaev o‘z telegran kanalida.

Uning klub bilan tuzgan shartnomasi yakuniga etdi. Ayni damda yarim himoyachida Superliganing bir nechta klubidan takliflar bor.

Shuningdek, Osiyoning boshqa jamoalari libosida ham Ahmedovlarning kichigini ko‘rib qolishimiz hech gap emas. Azim yakunlangan mavsumda "lochinlar" tarkibida 23 ta o‘yinda maydonga tushib, 2 ta gol urgan.