"Navbahor" etakchisi portugaliyaliklarda qiziqish uyg‘otdi

Superligada 8-o‘rinni egallagan “Navbahor” klubi joriy mavsumda turlicha taassurot qoldirdi. Lekin jamoa safida o‘yin sur’atini o‘zgartirib yubora oladigan futbolchilar talaygina. Shu sababli klub futbolchilariga qiziqishlar bor.

Ayniqsa, “Navbahor” etakchisi Aziz Turg‘unboev doimo boshqalarning e’tiborini qozonib kelmoqda. Yarim himoyachi joriy chempionatda 25 ta o‘yinda ishtirok etib, 8 ta gol urdi. Bu yilgi mavsumda ham u jamoasining eng yaxshi o‘yinchilaridan biri bo‘ldi.

Shuning uchun bo‘lsa kerak, Turg‘unboevga chetdan jiddiy chorlovlar bo‘lyapti. Sports.uzga ma’lum bo‘lishicha, Aziz o‘z o‘yinlari bilan portugaliyaliklarni ham o‘ziga jalb etganga o‘xshaydi. Boisi, yaqinda Portugaliya klubidan qiziqish bo‘lgan. Xo‘sh, futbolchi o‘z omadini Evropada sinab ko‘radimi? Bu boradagi rejalari qanday?

Tez orada u bilan uyushtirilgan suhbatni saytimizda o‘qishingiz mumkin.

SPORTS.UZni kuzatishda davom eting!