"Насаф" таътилга чиқди

Хабарингиз бор, Қаршининг "Насаф" жамоаси кеча Суперлиганинг қолдирилган 8-турида Муборакнинг "Машъал" жамоасини қабул қилди ва 1:0 ҳисобида ғалаба қозонди. Клуб расмий сайти тарқатган хабарга кўра, дербидан сўнг футболчиларга 5 кунлик таътил берилди.

Жамоа аъзолари 15 июлда таътилдан қайтишади ва мавсумнинг иккинчи ярмига ҳозирлик кўришга киришилади. Маълумот учун, "аждарлар" ўзларининг навбатдаги учрашувларини 30 июль куни "Локомотив"га қарши ўтказишади.