MYu Pogbani sotishga tayyor, uning narxi ham ma’lum

Angliyaning "Manchester Yunayted" klubi yarim himoyachisi Pol Pogba faoliyatini Ispaniyada davom ettirishi mumkin. Marca nashri tarqatgan xabarlarga qaraganda, MYu etakchisining "Real"ga o‘tish istagi bor.

Manbaning ma’lum qilishicha, mankunianliklar rahbariyati va futbolchining vakili shartnomani uzaytirish va boshqa jamoaga o‘tishi borasida uchrashuv o‘tkazishgan.

O‘z navbatida, MYu klubi futbolchini "Real" sotib oladigan bo‘lsa, uni 150 million evrodan kamiga bermoqchi emasligini bildirgan.