МЮ давралар оралиғида бирорта янги футболчи сотиб ололмаслиги мумкин. Чунки...

"Манчестер Юнайтед" клуби жорий қишки трансферлар даврида ҳеч қандай янги футболчини таркибга қўшиб ололмаслиги мумкин. Бу ҳақда The Athletic нашри хабар тарқатмоқда.

Юқоридаги манбаага кўра манкунианликлар ҳалигача аниқ бир футболчининг трансфери бўйича бир қарорга келишмаган. Улар "Спортинг" ярим ҳимоячиси Бруну Фернандеш ва "Вест Хэм" ярим ҳимоячиси Деклан Райсга, шунингдек, ПСЖ форварди Эдинсон Каванига қизиқиш билдиришган эди. Бироқ, ҳозирда жамоа уларнинг ҳеч бирини сотиб олишга яқин эмас.

Маълумот учун, “Манчестер Юнайтед” айни дамда АПЛ мусобақа жадвалида 5-ўринда бормоқда.