Мутлоқ юлдузли таркиб! Туркия гранди икки номдор футболчини ўз сафига қўшиб олди

Туркиянинг "Фенербаҳче" клуби таркибни кучайтириш ишларини жадал давом эттирмоқда. 

Истанбулликлар таркибни Марко Асенсио ҳамда Эдерсон каби футболчилар билан кучайтирадиган бўлди. Ушбу трансферлар ҳали расман эълон қилинмади, аммо таниқли инсайдер Фабрицио Романо тасдиқлади.

Аввалроқ, "Фенербаҳче" "Бенфика"дан Керим Актюркоглуни ўз сафига қўшиб олганди. Шунингдек, мазкур клуб сафида Дуран, Талиска, Фред, Шкриньяр ҳамда Семеду каби номдор футболчилар тўп тепади.