Modrich: "Real" yana eng yaxshi bo‘lishi kerak

Xorvatiyada yana bir bor yil futbolchisi deb e’tirof etilgan Luka Modrich mukofotni qabul qilib olgach, o‘z fikrlarini bildirib o‘tdi:

"Ushbu mukofot men uchun ko‘p narsani bildiradi. Meni qo‘llab, menga ovoz bergan barchaga tashakkur aytaman. Bunday sharafga sazovor bo‘lish juda yoqimli. Jamoadoshlarimga rahmat aytaman, ularning yordamisiz ushbu mukofotni qo‘lga kirita olmas edim".

Shuningdek, yarim himoyachi yangi mavsumdagi maqsadlarini ham ochiqlab o‘tdi.

"Real" yana o‘zining eski yo‘liga tushishi, eng yaxshi bo‘lishi kerak. Terma jamoa haqida ham shunday degan bo‘lar edim", - dedi xorvatiyalik futbolchi.