"Milan" hujumchisini APL klubiga sotmoqchi

"Milan" klubi hujumchisi Patrik Kutrone faoliyatini Angliya premer-ligasida davom ettirishi mumkin.

Sky Sports nashri tarqatgan xabarga ko‘ra 21 yoshli italiyalik futbolchiga "Vulverxempton" klubi jiddiy qiziqish bildira boshlagan. “Rossonerilar” esa moliyaviy feyr-pley qoidasini buzmaslik uchun 25 million evroga baholanayotgan ushbu futbolchisini sotib yubormoqchi. Biroq, Kutronening o‘zi “San-Siro”da qolishni istamoqda.

Ma’lumot uchun, Kutrone o‘tgan mavsum A Seriyada jami 34ta o‘yinda maydonga tushdi va o‘z hisobiga 3ta gol hamda 2ta golli uzatma yozdirib qo‘yishga erishdi.