Messini “dodi”ni bergan yagona futbolchi nomi ma’lum bo‘ldi

“Real” yarim himoyachisi Federiko Valverde “Oltin to‘p”ni sakkiz marta qo‘lga kiritgan Lionel Messiga maydonda jiddiy qarshilik ko‘rsata oladigan yagona futbolchi borligini aytdi.

Urugvaylik futbolchining o‘zi Messiga qarshi o‘tkazilgan bahslarda unga umuman qarshilik qila olmaganini ochiqchasiga tan oldi.

- Men hech qachon Leoni to‘xtata olmaganman. Messiga qarshi juda ko‘p uchrashuvlarda qatnashganman va ularda faqatgina Kazemiro Messini to‘xtatib qolishni uddalar edi. Lekin har doim ham shunday bo‘lavermagan.

Lionel Messi jahon futbolining eng zo‘r o‘yinchilaridan biri sifatida hurmatga loyiq, - dedi Federiko Valverde.