Мессига оид муҳим янгилик!

“Барселона” етакчиси Лионель Месси клуб президенти Жоан Лапортанинг янги шартнома бўйича таклифини қабул қилди.

Унга кўра, аргентиналик ҳужумчи 30 июнда якунланадиган битимини яна икки йилга узайтиради ва 2023 йилнинг ёзигача “Камп Ноу”да қолади. Шартноманинг бошқа томонлари сир тутилмоқда.

Жоан Лапорта “Барселона” президентлиги учун сайлов олдидан мухлисларни Лионель Мессини клубда қолишга кўндиришига ишонтирган эди. Мана энди у сўзининг устидан чиққан кўринади.  

Лионель Месси “Барселона”да 2005 йилдан бери тўп тепмоқда. Якунланган мавсумда аргентиналик ҳужумчи жами 47 та учрашувда 38 та гол уриб, 14 та голли пас оширди.