Месси "Интер Майами"нинг муваффақият сирини очди

"Интер Майми" клуби ҳужумчиси Лионель Месси жамоанинг МЛСдаги муваффақияти сабабини айтди. Аввалроқ, Дэвид Бекхэм клуби МЛСнинг Шарқий конференциясида муддатидан аввал чемпионликни қўлга киритган эди.

"Менимча, баъзи муҳим ўйинчиларнинг келиши бу ўзгаришга катта ҳисса қўшди", - деди аргентиналик футболчи Inter Miami News Hub ижтимоий тармоғида.

Эслатиб ўтамиз, “Интер Майми” мавсум якунланишига икки тур қолганда Шарқий конференцияда 68 очко жамғарди ва энг яқин таъқибчисидан 11 очкога ўзиб кетди.

Месси “Интер Майами” сафига 2023 йилнинг ёзида кўчиб ўтган эди. Бу вақт ичида аргентиналик футболчи клуб сафида 34 та ўйинда майдонга тушиб, 30 та гол урди ва 17 та голли узатмани амалга оширди. Месси учун бу фаолиятидаги 46-соврин, “Интер Майамида” сафидаги иккинчи соврин ҳисобланади. 37 ёшли аргентиналик футболчи ушбу жамоа билан ўтган йили Лига кубогини қўлга киритганди.