Месси ҳамма кутаётган қарорни қачон айтиши маълум бўлди

“Барселона” клуби раҳбарияти, футболчилари, мухлислари ва ҳатто рақибларини ҳам Лионель Мессининг фаолиятини қаерда давом эттириш бўйича якуний қарори қизиқтириб келмоқда. Аргентиналик ҳужумчининг ўзи эса, қарор қабул қилишга шошилаётгани йўқ.

Охирги маълумотларга қараганда, Лионель Месси шартномаси тугаётгани боис ҳар қандай клуб билан дастлабки шартномани имзолаши мумкин бўлса-да, клуб президентлиги сайловлари ўтмагунича бу ҳуқуқидан фойдаланмайдиган бўлди.

Ҳамма кутаётган сайлов 7 мартга белгиланган.

Яқинда Мессининг “Барселона”дан олаётган маблағлари ошкор этилганига қарамай, футболчи клубдан  кетишга шошилмаяпти. Маълумотларга кўра, агар сайловда Жоан Лапорта ғолиб чиқадиган бўлса, Месси каталонияликлар билан янги шартнома имзолайди.