Messi Agueroni "Barsa"ga olib kelmoqchi

"Barselona" forvardi Lionel Messi jamoaning yangi ustozi Kike Setendan "Manchester Siti" forvardi Serxio Agueroni sotib olishni so‘radi. Bu haqda Mirror nashri xabar tarqatmoqda.

Yuqoridagi manbaaga ko‘ra Messi argentinalik vatandoshini 4 oyga safdan chiqqan urugvaylik hujumchi Luis Suares o‘rniga munosib o‘rinbosar sifatida ko‘rmoqda.

Ma’lumot uchun, Aguero joriy mavsum “Manchester Siti” safida jami 21 ta o‘yinda maydonga tushdi va o‘z hisobiga 18 ta gol hamda 3 ta golli uzatma yozdirib qo‘yishga erishdi. Uning “shaharliklar” bilan amaldagi shartnomasi 2021 yilga qadar imzolangan.