Мбаппе янги жамоада қанча олиши ва қачонгача қолиши ҳал бўлди

ПСЖ ҳужумчиси Килиан Мбаппе “Реал”га ўтишга розилик берди. Франциялик футболчи мадридликлар билан беш йиллик битим тузади, деб хабар тарқатди Cadena SER нашри.

Манбага кўра, Мбаппенинг Мадрид клубидаги маоши 50 миллион еврони ташкил қилади. Бундан ташқари футболчи турли бонуслар олиги кўзда тутилган.

Агар “Қироллик клуби” Мбаппе трансферини шу ёз амалга оширса, 200 миллион евро миқдорида бадал пули тўлашига тўғри келади.

“Реал” Мбаппе эркин агентга айланганидан кейин бепул келишини кутаётган эди. Бироқ, “Ливерпуль” 24 ёшли ҳужумчи учун Париж клубига 200 миллион евро таклиф қилгани вазиятни ўзгартириб юбориши кутиляпти.