Мбаппе Месси ва Роналдуни лол қолдирди

Испания чемпионатининг 23-тури марказий учрашувида Мадриднинг икки гранди – “Атлетико” ва “Реал” ўзаро тўқнашди.

Учрашувда ғолиб аниқланмади. Биринчи бўлимда Хулиан Альвареснинг пенальтидан урган голига ўйиннинг иккинчи ярмида Килиан Мбаппе жавоб қайтариб, мезбонларни мағлубиятдан қутқариб қолди.

Эътиборли жиҳати шундаки, бу гол 26 ёшли франциялик ҳужумчининг 500-самарали ҳаракати бўлди.

Экспертлари жаҳон футболида энг кўп гол урган футболчилар – Криштиану Роналду ва Лионель Месси 26 ёшида гол+пас бўйича қандай натижа қайд этганига эътибор қаратишди.

Маълумотларда қайд этилишича, Месси 26 ёшида 486 та самарали ҳаракатни амалга оширган экан. Бу борада Роналдунинг кўрсаткичи анча паст. Португалиялик юлдуз 26 ёшида гол+пас бўйича 302 балл тўплаган.

Демак, назарий жиҳатдан Килиан Мбаппе фаолиятининг охиригача қадар тўпурарлик ва ассистентликда “Олтин тўп”ни энг кўп ютган бу икки юлдуздан ўзиб кетиши мумкин.