Майкл Биспинг: "Илия Топурия, ҳақиқий эркак бўлсанг, энг зўри билан кураш!"

UFC собиқ чемпиони Майкл Биспинг енгил вазнда амалдаги чемпион Илия Топурияни танқид қилди.

"Топурия агар UFC уни Арманга қарши жанг қилишга мажбурласа, Илия камаридан воз кечишини айтди. Эндигина чемпион бўлган йигит учун бу ёмон белги. Агар ҳақиқий эркак бўлсанг, энг зўри билан кураш, "Эл-Матадор". Арман Царукян - нафақат сен, балки енгил вазн тоифасида ҳамма учун ҳақиқий таҳдид. Унда ҳамма нарса бор: кураш, зарба, чидамлилик, куч, ёшлик... Арман йиртқич ҳайвон", - дея Биспингнинг сўзларини келтирди "AgFighting".

Эслатиб ўтамиз, Топурия "UFC 317" турнирида Чарльз Оливейрани 1-раунддаёқ нокаутга учратди.