Masharipov jamoasiga yangi murabbiy tayinlandi!

Hamyurtimiz Jaloliddin Masharipov harakat qilayotgan "Al-Nassr" klubiga rasman yangi murabbiy tayinlandi. Bu haqda riyodliklar matbuot xizmati xabar tarqatdi.

Manbaning yozishicha, portugaliyalik mutaxassis Emanuel Pedro jamoani boshqaradi. Pedro ikkinchi bor Saudiya chempionatiga qaytdi. U avval "Al-Taavon" klubini boshqargan va Qirol kubogini qo‘lga kiritgandi. 

Eslatib o‘tamiz, "Al-Nassr" Osiyo chempionlar ligasida ham o‘z yurishini davom ettirmoqda. Legionerimiz jamoasi 16 oktyabr kuni chorak finalda "Al-Vahda"ga qarshi maydonga tushadi.