"Mash’al" futbolchisini ijaraga berdi

Yangi mavsumni Superligada boshlaydigan Bekobodning "Metallurg" klubi yangi mavsum oldidan o‘z tarkibini kuchaytirishda davom etmoqda.

Shu vaqtga qadar Muborakning "Mash’al" klubida to‘p surib kelgan va ushbu jamoaning vitse-sardori sanaladigan Zafar To‘raev faoliyatini "ma’danchilar" safida davom ettiradi.

"Mash’al" matbuot xizmati tarqatgan xabarga ko‘ra, To‘raevning transfer huquqi muborakliklarga tegishli.

Eslatib o‘tamiz, bunga qadar «Mash’al»dan Shaxzod Shaymanov «Metallurg» klubiga o‘tgan edi.