Манба: “Арсенал” навбатдаги трансферни деярли ҳал қилди

Александр Зинченконинг “Манчестер Сити”дан Лондоннинг “Арсенал” клубига трансфери деярли якунига етди. Журналист Фабрицио Романонинг ёзишича, украиналик футболчи аллақачон “шаҳарликлар” йиғинини тарк этиб, тиббий кўрикдан ўтиш учун Лондонга жўнаб кетган.

Зинченко "Арсенал"нинг ёздаги тўртинчи трансфери бўлиши кутилмоқда. “Тўпчилар” олдинроқ Маркиньос, Фабиу Вийера ва Габриэль Жезус билан шартнома имзолаган эди. Бу футболчилар орасидан Жезус ҳам “Манчестер Сити”дан Лондон клуби сафига қўшилган.

Эслатиб ўтамиз, "Ман Сити" таркибида Зинченко 4 марта Англия Премьер лигаси чемпиони бўлган. Шунингдек, у клуб билан биргаликда бир нечта кубокларни ҳам қўлга киритди.