Максим Боков: "Файзуллаев шубҳасиз ЦСКАнинг асосий футболчиларидан бири эди"

Ўзбекистон терма жамоаси аъзоси, 21 ёшли футболчи Аббосбек Файзуллаев фаолиятини Туркиянинг "Истанбул Башакшехир" клубида давом эттиради.

ЦСКА ёшлар жамоаси мураббийи Максим Боков ушбу трансферга изоҳ берди:

"Файзуллаев шубҳасиз ЦСКАнинг асосий футболчиларидан бири эди. Унинг кетиши кўзга ташланмай қолмайди. Эҳтимол, бу қарор унинг шахсий истагига боғлиқ. Аббос иқтидорли футболчи, унда сўнгги вақтларда бироз тўхталиш кузатилган бўлса-да, у юқори даражада ўйнай олади. Энг муҳими — Туркияда унга мос мураббий бўлиши керак" — деди мураббий.

Эслатиб ўтамиз, Файзуллаев ўтган мавсум ЦСКА сафида 39 та ўйинда майдонга тушиб, 3 та гол ва 8 та ассист қайд этди.