“Ливерпуль” қимматбаҳо юлдуз бўйича билан музокара бошлади

Ана шу мақсадда, мерсисайдликлар “Борнмут” клубига қанот ҳужумчиси Антуан Семеньо трансфери бўйича расмий таклиф билан мурожаат қилди.

Англиянинг амалдаги чемпиони “Ливерпуль” мавсумнинг биринчи қисмида юз берган инқироздан кейин таркибни АПЛга мослашган янги ижрочилар билан кучайтириш масаласига алоҳида эътибор қаратмоқда.

Бу ҳақда  Indykaila News нашри хабар тарқатди.

Манба маълумотларига кўра, томонлар Антуан учун тўлов миқдори ва усулларини муҳокама қилмоқда.

Яқинда бош мураббий Арне Слот ва жамоа тўпурари Муҳаммад Салоҳ ўртасидаги зиддиятдан кейин ўтказилган клуб раҳбарияти йиғилишида жамоага ҳар икки қанотда ўйнай оладиган янги ҳужумкор футболчи олиш эҳтиёжи борлиги тасдиқлангани айтилмоқда.

25 ёшли Семеньо “Ливерпуль” талабларига тўлиқ мос келади. Ганалик вингер 2023 йилнинг январидан бери “Борнмут” сафида ўйнаб келяпти. Transfermarkt портали Антуаннинг трансфер қийматини 65 миллион еврога баҳолаган.