Ла Лига. Винисиус "Реал"га ғалаба келтирди

Ла Лига 12-туридан ўрин олган "Эльче" - "Реал" учрашуви якунига етди. Ушбу ўйинда "қироллик клуби" 2:1 ҳисобида ғалаба қозонди. 

Баҳснинг 22-дақиқасида Винисиус ҳисобни очди. 73-дақиқада унинг ўзи жамоасининг иккинчи голига муаллифлик қилди. 86-дақиқада Пере Милла орадаги фарқни қисқартирди.   

Мазкур ғалабадан сўнг мадридликлар ҳисобидаги очколар сони 24 тага етди ва улар Испания чемпионати турнир жадвалида 1-ўринга кўтарилиб олди. 10 очкоси бор "Эльче" айни дамда 15-поғонада жойлашган.