Кунде "Реал"нинг кучи нимада эканлигини айтди

Жюль Кунде "Реал"нинг кучли сифати борасида фикр билдирди. 

Қайд этиш лозим, "Барселона" Ла Лига 9-тури доирасида "Реал"га 3:1 ҳисобида имкониятни бой берди. 

"Биринчи бўлимда рақиблар яхши ҳаракат қилди. Айнан ўша вақтда ҳимоядан ҳужумга ўтишда муаммолар вужудга келди. Биринчи гол бўлган вазиятда биз қарши ҳужумга ўтишимиз керак эди. Иккинчи голда ҳам худди шундай вазият. 

Баъзан "Реал" тўпсиз ҳаракат қилди. Шунда ҳам улар гол уришди. Бу уларнинг кучидан далолат. Бундан сабоқ олишимиз керак", - деди франциялик фулбек.