Klopp dunyoning eng yaxshi murabbiyi, "Liverpul" eng yaxshi jamoa

Dunyoga mashhur VVS mediakompaniyasi o‘z talqini bo‘yicha 2020 yil yakunlarining ayrim yo‘nalishlarida eng zo‘rlar nomini e’lon qildi.

Unga ko‘ra, “Liverpul” ustozi Yurgen Klopp yakunlanib borayotgan yilda dunyoning eng yaxshi murabbiyi, “Liverpul” esa dunyoning eng yaxshi jamoasi, deb topildi.

Eslatib o‘tamiz, “Liverpul” 2019/20 yilgi mavsumda 30 yillik tanaffusdan so‘ng yana Angliya chempionligini qo‘lga kiritdi. Klopp jamoasi chempionlikni mavsum yakunlanishidan 7 tur oldin qo‘lga kiritdi. Bu chempionat tarixidagi eng yaxshi natija hisoblanadi.