Kim eng yaxshi? Terma jamoamizning g‘alabasiga katta hissa qo‘shgan uch nafar nafar futbolchi

"JCh-2026" saralashi doirasidagi Qirg‘iz Respublikasi hamda O‘zbekiston o‘rtasidagi bahs bo‘lib o‘tdi va unda vakillarimiz 3:2 hisobida g‘alaba qozondi. 

Joel Kojo hisobni ochgan bo‘lsa, Shomurodov navbatdagi hujumning o‘zidayoq muvozanatni tikladi. 35-daqiqada Odiljon Abdurahmonov qo‘shnilarimizni hisobda oldinga olib chiqqan bo‘lsa, Aliqulov tenglashtiruvchi, O‘runov esa g‘alaba golini kiritdi. 

Shu tariqa, "oq bo‘rilar" ikkinchi turda ham 3 ochkoni qo‘lga kiritdi. 

Taniqli portal "SofaScore" portaliga ko‘ra, ushbu bellashuvning eng yaxshi futbolchisi deb Eldor Shomurodov tan olindi. U 8.4 ballga loyiq ko‘rildi.

Gol - 1 ta 
Assist - 1 ta 
Paslar - 37/52 (71 foiz) 
Aniq zarbalar - 2 ta 
Dribling - 3 (2) 

Bundan tashqari, Husniddin Aliqulov ham 8 ball to‘plashga muvaffaq bo‘ldi: 

Gol - 1 ta 
Tozalashlar - 6 ta 
Blok qilingan zarbalar - 2 ta 
To‘p olib qo‘yish - 2 ta 
Aniq zarbalar - 2 ta 
Duellarda - 3 (2) 
Havodagi duelarda 4(2)

"SofaScore" talqiniga ko‘ra, termamiz safida uchinchi ko‘rsatkichni g‘alaba goli muallifi Oston O‘runov (7.9) qayd etdi: 

Gol - 1 ta 
Assist - 0 ta 
Aniq zarbalar - 3 ta 
Dribling - 5 (2) 
Paslar - 36/43 (84%) 
Kalit paslar - 1 ta 

Ma’lumot uchun, Qirg‘iz Respublikasiga qarshi o‘yinda o‘z darvozasi tomon 2 ta aniq zarbani ham qaytara olmay, 0 ta seyv amalga oshirgan O‘tkir Yusupov termamiz safida eng past ballga loyiq ko‘rildi.