Карим Бензема ЕЧЛда 70 та гол урган тарихдаги 5-футболчига айланди

"Реал" ҳужумчиси Карим Бензема ўзининг Чемпионлар лигасидаги голлари сонини 70 тага етказиб олди.

Шу тариқа Бензема ЕЧЛ тарихида 70 ва ундан ортиқ гол урган 5-футболчига айланди. Каримдан юқорида Рауль (71), Роберт Левандовски (72), Лионель Месси (120) ва Криштиану Роналду (134) бормоқда.

33 ёшли Бензема жорий мавсум “Реал” сафида жами 31 та ўйинда майдонга тушди ва ўз ҳисобига 21 та гол ҳамда 5 та голли узатма ёздириб қўйишга эришди. Унинг мадридликлар билан амалдаги шартномаси 2022 йилга қадар имзоланган.