Kamoliddin Tojiev: "Namoyish etilgan futboldan qoniqmadim"

O‘zbekiston Kubogi nimchorak finalida "Paxtakor "Olimpik Mobiuz"ni 2:1 hisobida mag‘lubiyatga uchratdi va keyingi bosqichga yo‘l oldi.

Uchrashuvdan keyin "Paxtakor" ustozi Kamoliddin Tojiev bahs xususida fikrlarini aytib o‘tdi. Bu xususida klub matbuot xizmati ma’lum qildi.

"Yigitlarga bellashuvga ishtiyoq bilan tushish kerakligini ta’kidladik, ammo baribir bu etarli bo‘lmadi. Bunday holatda o‘yin yaxshi chiqmaydi. Tajriba evaziga vaziyatlardan foydalandik va chorak finalga chiqdik. Namoyish etilgan futboldan qoniqmadim. Keyingi bosqichda kimga to‘g‘ri kelsak ham farqi yo‘q. Maydonga tushamiz va o‘ynaymiz.

Alijonovda kichik jarohat borligi sababli avvalgi o‘yinda maydonga tushmadi. Keyingi bellashuvga to‘liq tayyor bo‘ladi".