Жаҳон чемпионати фаворитлари рўйхати эълон қилинди

Нуфузли "Goal" портали 2026 йилги Жаҳон чемпионати фаворитлари рейтингини эълон қилди. Мундиалга аллақачон 18 та терма жамоа йўлланма олган, яъни яна 30 та йўлланма учун кураш давом этмоқда.

Бироқ, муаллифлар рейтингга ҳали турнирга йўл олмаган, аммо бунга эришиши шубҳасиз бўлган юқори даражадаги жамоаларни ҳам киритишган. "Goal" асосий фаворит мақомини амалдаги Европа чемпиони - Испания терма жамоасига бермоқда: "Испания Евро-2024да ажойиб натижа кўрсатди, бироқ 2026 йилги жаҳон чемпионатида у янада яхшироқ ўйин намойиш этиши мумкин."

Иккинчи ўринда амалдаги Жаҳон чемпиони, Лионель Месси тўп тепаётган Аргентина терма жамоаси турибди. Кучли учликни 1966 йилда Жаҳон чемпионлигини қўлга киритган Англия терма жамоаси якунламоқда.

Кейинги ўринларда Португалия, Франция, Германия, Нидерландия, Бразилия, Марокаш ва Эквадор жамоалари жой олган.