Igalo MYu bilan shartnoma imzolaganidan so‘ng o‘z fikrlari bilan o‘rtoqlashdi

Nigeriyalik hujumchsi Odion Igalo "Manchester Yunayted"ga ko‘chib o‘tganidan so‘ng o‘zining dastlabki taasurotlari bilan o‘rtoqlashdi.

"Bolaligimdan "Manchester Yunayted"da to‘p surishni orzu qilardim, endi esa orzuyim amalga oshdi.

Bu men uchun juda yaxshi imkoniyat. Bu erda ekanligimdan va jamoa bilan birga ishlashdan mamnunman. Endi iloji boricha mavsumni yaxshiroq yakunlash niyatidaman", - deydi Igalo.

Eslatib o‘tamiz, qishgi transfer oynasining so‘nggi kunida "qizil iblislar" forvardni Xitoyning "Shanxay Shenxua" klubidan mavsum so‘nggigacha ijaraga oldi.