Ibragimovich qatorasiga ikkinchi o‘yinda dubl qayd etdi (video)

“Los-Anjeles Gelaksi” klubi forvardi Zlatan Ibragimovich MLSning “Sietl Saunders” (2:2) klubiga qarshi bo‘lib o‘tgan bahsida dubl qayd etdi.

E’tiborlisi, 37 yoshli shvetsiyalik futbolchi qatorasiga ikkinchi o‘yinda dubl qayd etishga muvaffaq bo‘ldi. U o‘tgan MLSning turida ham 2 ta gol urgan edi.

Ma’lumot uchun, Ibragimovich bu mavsum chempionatning 21ta o‘yinida ishtirok etdi va raqiblari darvozasiga 20ta gol urishga erishdi.